НОВИ САД – Нєшка на 11 годзин у прес-сали Покраїнскей влади будзе отримана промоция пост-публикациї штвартей реґионалней конференциї з назву „Меншински медиї як протаґонисти ришеньох“. На промоциї буду бешедовац директорка новинох на мадярким язику „Мадяр со“ Розалия Екрес, їх главна редакторка Марта Варю, директорка „Герор Медиа Поинт-у“ Наташа Герор и Калман Кунтич з Покраїнского секретарияту за културу, явне информованє и одношеня з вирскима заєднїцами, пише у поволанки.
Промоция публикациї послужи и як наява за пияту реґионалну конференцию, пошвецену меншинским и локалним медийом, а хтора будзе отримана 10. новембра у Новим Садзе.
Конференция ше будзе волац „Заєднїци нового часу“ и будзе розрабяц теми о интеґрациї, феномену заєднїци, розуменьох културох и о позициї меншинских и локалних медийох як протаґонистох нових ришеньох у сучасним дружтве.