БЕОҐРАД – Синдикати просвитних роботнїкох оценюю же положенє просвитних роботнїкох нїґда нє було горше як тераз и за 28. фебруар наявели штрайк спозореня, преноши РТВ.
– Министерство просвити нє витворело нїч з того цо зме ше порадзели, процивно нашей догварки звекшана плаца, а нє ришене анї єдно питанє статусу, платни класи нє уведзени – гварела предсидателька Униї синдикату просвитних роботнїкох Ясна Янкович.
Томислав Живкович зоз Синдикату „Нєзависноц” оценєл же нїч нє посцигнуте у догваркох з Владу Сербиї, а Министерство просвити анї того року нє додзелєло Святосавски награди.