СЕРБИЯ/БЕОҐРАД – Предсидатель Униї синдикатох просвитних роботнїкох Сербиї Драґан Матиєвич наявел же кед фебруарска плаца просвитним роботнїком котри штрайкую будзе менша пре участвованє у штрайку, синдикат 23. марца знова отрима єднодньови протест, тераз з нєотримованьом настави.
Як пише Бета, Матиєвич тиж наявел же кед плаци заш лєм буду зменшани, просвитни роботнїки буду тужиц директорох школох котри поступя по допису Министерства просвити у хторим ше вимага зменшанє плацох тим котри штрайкую.