Просвита предлужує штрайк

автор ртв
1.3k Опатрене

БЕОҐРАД – Репрезентативни синдикати образованя предлужую штрайк зоз скрацованьом годзинох у основних и штреднїх школох на 30 минути, а источашнє прегваряю з представителями Влади, гварел вчера предсидатель Синдикатох роботнїкох у просвити Слободан Брайкович.

Министер просвити, науки и технолоґийного розвою Срдян Вербич повторел же єдино треца вимога синдикатох – же би просвитним роботнїком нє були зменшани плаци 10 одсто – нє будзе сполнєта, а же наява о подполним претаргнуцу настави у школох нєпримерана.

Прегварки ше предлужує о колективним контракту за шлїдуюци рок, як и о усоглашованю платних катеґорийох, же би ше вецей нє случовало же просвитни роботнїки з високим образованьом маю менши заробки як заняти у других державних службох з меншима квалификациями.

ПОВЯЗАНИ ТЕКСТИ