БЕОҐРАД – Штири репрезентативни синдикати просвитних роботнїкох вимагаю звекшанє коефициєнтох двох плацох у тим року, як и виплацованє награди од 5 000 динари, у складзе зоз спорозуменьом хторе прешлого року подписали з Владу Сербиї.
Задумка же би ше коефициєнт на априлску плацу звекшало за 46 одсто, на октоберску штири одсто, а виплацованє спомнутей награди синдикати вимагаю по 15. фебруар. Кед Влада нє сполнї тоти вимоги, просвитни роботнїки буду штрайковац.
Вимоги подписали Уния синдикатох просвитних роботнїкох Сербиї, Фахови синдикат просвитних роботнїкох „Нєзависносц“, Синдикат образованя Сербиї и Синдикат роботнїкох у просвити.