Просвитни роботнїки наявели тужбу процив Влади

автор бета/сен
1.1k Опатрене

БЕОҐРАД – Уния синдикатох просвитних роботнїкох Сербиї наявела тужбу процив Влади Сербиї пре, як наведли, погришного обрахунку плацох, на основи чого заняти у просвити очкодовани за вєдно 450 милиони динари.

По новим Закону о роботи, плаци ше нє обраховює за остатнї три, алє 12 мешаци, та з тим просвитним роботнїком плаци штреднє зманшани за 5 000 динари, гварела предсидателька Униї Ясна Янкович.

Ґу тому, Уния синдикатох просвитних роботнїкох оценєла же, пре менше число школярох и нових правилох о формованю оддзелєньох и способе финансованя, коло 10 000 занятих останю без часци норми, а вельке число звонканаставного кадру преглашене за технолоґийни звишок.

Уния синдикатох послала и писмо мандатарови за состав новей Влади Александрови Вучичови, у хторим му предложела яки би мал буц нови министер просвити – муши познац шицки уровнї образованя и вериц до системи хтору будзе представяц.

ПОВЯЗАНИ ТЕКСТИ