БЕОҐРАД – Штири репрезентативни синдикати просвити одлучели же 22. децембра нє буду тримац наставу у школох и наявели протест опрез Влади Сербиї и Министерства просвити, а и надалєй годзини буду скрацени на 30 минути.
И тот поцаг штрайкачох ма циль же би Влада Сербиї обрацела увагу на проблеми просвитних роботнїкох, а єдна з главних вимогох Униї синдикатох просвитних роботнїкох же би ше им нє зменшовало плаци.
Предсидатель Униї синдикатох просвитних роботнїкох Драґан Матиєвич гварел же кед нє будзе напредованя у догваркох з представителями Влади, перше полроче можебуц нє будзе закончени и дзецом нє буду подзелєни школярски кнїжочки. У случаю же перше полроче нє будзе закончене, нє годно почац анї друге, гварели вчера представителє синдикатох просвити.