ПРЕШОВ – З нагоди 60-рочнїци снованя Поддуклянского уметнїцкого народного ансамблу (ПУНА-ПУЛС) у Прешове нєшка будзе Шветочни концерт, на хторим ПУНА премиєрно виведзе и свою нову програму. Концерт будзе на велькей сцени Театру Йонаша Заборского, а медзи госцами зоз жеми и иножемства буду и представителє Националного совиту (НС) Руснацох у Сербиї – предсидатель Совиту Славко Рац, предсидатель Вивершного одбору НС Желько Ковач и предсидателька Одбору за културу НС Ґабриєла Саянкович.
Ювилей ПУНИ будзе означени и з концертом Ансамблу у Братислави, 16. децембра, у Штредзиску култури, а концерт ПУНИ у главним городзе Словацкей орґанизує Здруженє интелиґенциї Русинох Словацкей.
Попри 60-рочнїци ПУНИ, на концерту у Братислави будзе означена и 60-рочнїца снованя нєшкайшого Театру Александра Духновича.