ВЕРБАС – У вербаским хотаре тих дньох закончена жатва жита, а штреднї урожай на польох задруґох и польпровредних подприємствох бул од 8,5 до 9 тони по гектаре, док на польох парастох од 7,5 до 8 тони по гектаре.
На подручу хторе под компетенцию Польопривредней фаховей служби Вербас (ПФС), хтора облапя општини Кула, Вербас, Србобран и Бечей, було коло 22 300 гектари под житом.
Цена жита на тарговищу тераз од 16,5 до 17 динари, а як гварел фахови сотруднїк за польодїлство у ПФС Вербас Владимир Ранков, вона нє задоволює трошки продукциї, та препоручує же би ше причекало з предаваньом, бо жито вироятно будзе драгше.
Ранков тиж здогадує продуковательох же после знїманя шацох строго забранєне палїц сламу и сцернянку пре безпечносц, алє є нє хасновите анї пре квалитет жеми.