НОВИ САД – Пасху Новосадянє преславели з нашим владиком, кир Георгийом Джуджаром, котри внєдзелю, на Перши дзень Велькей ноци предводзел Воскресну Утриню и Архиєрейску Службу Божу, а сослужели о. др Роман Миз и парох новосадски о. Юлиян Рац.
– Воскреснути Исус Христос нам отворел дзвери до Царства нєбесного и то основа нашей вири. Алє, майме на розуме же през дзвери до Раю можеме пойсц лєм з нєпорочним и чистим шерцом, а нє помага богатство, людски вязи, авторирет, лєбо високи науки – гварел у своєй казанї кир Георгий.
На Шветли пондзелок и вовторок було мированє, а на Треци дзень Службу шпивал и новосадски Хор „Гармония”, под дириґентством Весни Кесич Крсманович.
