БЕЧЕЙ – Михайло Рацпети и Ивана Планчак у своїх катеґорийох подзелєли друге, одн. треце место на Медзинародним музичним змаганю младих пиянистох „Фантаст 2016” у Бечею, хтори тирва од 9. по 17. май. Школяре рускокерестурского Оддзелєня Школи за основне музичне образованє (ШОМО) Кула на змаганю участвовали 11. мая.
Школяр штвартей класи ШОМО Михайло Рацпети у своєй катеґориї мал лєм бод менєй (89 боди) од ґрупи змагательох котри завжали перше место, а школярка пиятей класи ШОМО Ивана Планчак на тим змаганю посцигла 77 боди.
Рацпети и Планчакова школяре ШОМО у класи наставнїка Мирона Сивча.