КОЦУР – Нєшка, 27. юния, вишли конєчни резултати закончуюцих испитох у Основней школи „Братство єдинство” у Коцуре з мацеринского язика, математики и комбинованого тесту з биолоґиї, хемиї, физики, историї и ґеоґрафиї.
У 8-1 класи за мацерински язик просеково резултати 13,59 боди. Найменше число бодох витворених на тим тесту у руским оддзелєню то 11, а найвекше 17,5. На уровню школи за тест з язика резултат 10,59 боди.
Тест з математики на уровню школи закончени з резултатом 11,63 боди. У руским оддзелєню просекови резултат 13,55, найменше число бодох на тим тесту 10, а найвекше 18 боди.
Комбиновани тест школяре у руским оддзелєню закончели з резултатом 13,32 боди. Найменєй у тим оддзелєню то 10, а найвецей 15 боди. На уровню школи резултат 12,43 боди.
И у тей школи 28. и 29. юния будзе пополньованє лїстини жаданьох.