НОВИ САД – Тих дньох до Предшколскей установи (ПУ) „Радосне дзецинство”, у Новим Садзе, односно дзецинскей заградки „Черодїй” („Вилењак”) уписане 16 000-ите дзецко. На уписованю присуствовал и городоначалнїк Нового Саду Милош Вучевич, котри гварел же му мило же ше уписує вше векше число дзецох, а на лїстини чеканя єст менєй як 800 дзеци.
– Мило ми же у Новим Садзе валяме рекорди у позитивним смислу, односно же ше до ПУ „Радосне дзецинство” уписує 16 000-ите дзецко. Як сом и обецал, маме рекордне число уписаних дзецох до новосадских дзецинских заградкох, а окреме ше цешим же Город субвенционує пребуванє 1 800 дзецох и у приватних заградкох. З финансийну помоцу родичом стимулуєме и приватне поднїмательство – гварел Вучевич.
Вучевич з тей нагоди наглашел же у Одлуки о чишлє занятих у явних службох у Новим Садзе нє предвидзене зменшованє кадрох у ПУ, прето же вона представя єден зоз слупох локалней самоуправи.