КОЦУР – Шаховски клуб „Омладинєц” з Коцура у першим колу єшеньскей часци сезони на домашнїм терену привитал екипу „Пензионер” зоз Суботици и по догварки (у шаху дошлєбодзене) одбавел нєришено 3:3.
За Омладинєц на тим змаганю наступели Карло Бала, Ґоран Попович, Споменко Павичевич, Стеван Перич, Любомир Турович и Миряна Шолая.
После того змаганя одбавени и турнир у швидкоцагаюцим шаху на котрим участвовали дзешецеро бавяче, а перше место завжал Ґоран Попович, друге Иван Седлак, а треце Лабуд Щепанович.
У шлїдуюцим колу Омладинєц будзе госцовац у Приґревици дзе го привита истоменова екипа.