Риялити програми аж после 23 годзин

автор бета/сен
980 Опатрене

БЕОҐРАД – Реґулаторне цело за електронски медиї (РЕМ) вчера прилапело упутство хторе телевизиї будзе обовязовац же би риялити програми емитовали аж после 23 годзин, виявел предсидатель Совиту РЕМ Ґоран Караджич.

РЕМ дал препоруку емитером же би од 20. новембра програми як цо „Вельки брат”, „Пари”, „Фарма” пущали после 23 годзин, алє ю нїхто нє почитує. Кед упутство ступи на моц, буду го мушиц почитовац шицки емитере.

После явней розправи о упутстве, хтора будзе тирвац голєм 15 днї, воно будзе прешлїдзене Министерству култури и информованя же би дало согласносц, наявел Караджич. Ресорни министер Тасовац гварел же Совиту РЕМ нє потребна согласносц од Министерства, понеже видаванє обовязних упутствох спада до инґеренцийох РЕМ.

ПОВЯЗАНИ ТЕКСТИ