НОВИ САД – Дзецинска танєчна ґрупа новосадского Руского културного центру (РКЦ) нєшка, 8. юния, участвує на єдней з програмох популарних „Змайових дзецинских бавискох” у Новим Садзе.
Танєчнїки РКЦ на отвореней сцени воланей „Под лїпами”, хтора у Змай Йововей улїци (дзе кнїжкарня „Вулкан”) наступя коло 19,25 годзин, з танцом „Облїванє”.
Уж 59. „Змайово дзецински бависка” у Новим Садзе починаю нєшка, 8. юния, а тирваю по 12. юний.
На сцени „Под лїпами” нєшка наступя поетове, ґлумецки, музични и танєчни дзецински ґрупи, а програма почина на 17,45 годзин.