РУСКИ КЕРЕСТУР – Руски народни театер „Петро Ризнич Дядя” од нєшка, 22., та по 24. септембер госцує у Словацкей, з драму „Вона нєвиновата” Йовґена Кочиша, у режиї Михайла Зазуляка.
Представа РНТ нєшка на вечар будзе виведзена у Кладзанох, на ютре у Прешове, у Театру Александра Духновича (ТАД), а на соботу, 24. септембра, у Земплинскей Теплици, дакедишнїм Керестуре.
Наш национални театер зоз свою представу остатнї раз у Словацкей госцовал пред шейсц роками, а терашнї одход витворени дзекуюци наменским средством з Националного совиту Руснацох за РНТ, як и Спорозуменю о медзиреґионалним сотруднїцтве АП Войводини и Прешовского самоуправного краю.