РУСКИ КЕРЕСТУР – Руски народни театер „Петро Ризнич Дядя” вчера одбавел свою другу представу на тогорочним Мемориялє – „Як забиц предсидателя” Миру Ґаврана, у режиї Владимира Надя Ачима, хтори ю и преложел и обдумал сценоґрафию.
Штирочлена искусна ґлумецка екипа з Вербасу и Коцура други раз у Керестуре успишно виведла тот сучасни текст горватского писателя о бранєню розличних идеалох, як и о особних розличних дружтвено-политичних становискох. Текст мож змесциц до гоч хторей европскей держави у транзициї на початку 21. вику.
У представи ґлумя Янко Лендєр, Танита Ходак, Юлиян Медєши и Нада Лендєр и шицки ґлумци одлично винєсли свойо, так же жири публики, як наглашене, вчера нє мал лєгку роботу. Награда за найлєпше одбавену улогу додзелєна Нади Лендєровей, за улогу „Стели”.