ВЕРБАС – Тогорочни вельки роботи у старовербаскей церкви Покрова Пресвятей Богородици, дзе у першей фази поставене патосне зогриванє, тих дньох при концу.
У другей фази покладзени 13 нови алуминиюмски облаки, а вчера мали буц покладзени нови цегелки. За шицки роботи донацию обезпечел владика, кир Георгий Джуджар.
Роботи тирвали скоро цале лєто, а по вельких роботних акцийох церква будзе порихтана за Кирбай и за жиму. З тей нагоди парох о. Алексий Гудак ище раз подзековал парохияном на дзечней помоци у шицких фазох роботох.