КОЦУР – Церковни одбор коцурскей грекокатолїцкей церкви Успения Пресвятей Богородици всоботу, 1. фебруара, орґанизовал роботну акцию на Малим теметове.
Пошорена и розчисцена велька поверхносц теметова, а попри слунечного дня, роботу провадзела добра дзека, змиреносц и зложносц.
У розкерчованю старей часци Малого теметова одборнїком коцурскей парохиї помогли и члени и Актив женох Културно-уметнїцкого дружтва ,,Жатва”, волонтере Каритасу ,,Марийов дом”, члени орґанизациї СУБНОР-а, огньогасци коцурского ДОД-а, як и числени валалчанє добрей дзеки котри ше приключели тей велькей роботней акциї.
Як гварели члени Церковного одбору, у наиходзецим периоду плановане розкерчиц и очисциц часц Малого теметова з другого боку.
