КОЦУР – Месна орґанизация Здруженя инвалидских и других пензионерох Коцура всоботу, 18. априла, отримала роботну акцию на ушорйованю своїх нових просторийох. Члени Здруженя з тим почали ушорйованє свойого дому, а плановане же просториї за хаснованє буду пририхтани на єшень.
Як за Рутенпрес виявела предсидателька Здруженя Андя Хромиш, у просторийох хтори купени концом прешлого рока єст досц роботи, алє рахую же з добру дзеку шицко постарча поробиц до єшенї.
Потребне ушориц влажни мури, санитарни ґузел, пременїц уходни дзвери и подобне. Попри канцелариї, пензионере у новим просторе буду мац и просторию за друженя за своїх членох, а потребни им и маґацин.