БЕОҐРАД – Наявене приношенє Закона о сезонскей роботи, хтори оможлїви сезонским робтнїком витворйованє правох на основи роботи, односно прияву на обовязне социялне осиґуранє, уплацованє стажу, здравствене и пензийне осиґуранє. Обласци за хтори ше найчастейше анґажує сезонских роботнїкох то польопривреда, будовательство и погосцительство.
Як преноши РТВ – тераз основана роботна ґрупа, хтора оценї у хторих дїялносцох контракти о роботи на нєодредзени час и дочасових роботох нє покриваю сезонску роботу.
З новим предписаньом заплановане уводзенє системи ваучера. З купованьом ваучера, роботодавателє буду плациц доприношеня за обовязне социялне осиґуранє, а потим их даю роботнїком, котри их маю придац до Фонду за пензийне и инвалидске осиґуранє.
Синдикати уж наявели же су процив системи з ваучерами, як и же би нови закон нє требало приношиц без явней розправи.