НОВИ САД – У Руским културним центре (РКЦ) у Новим Садзе, соботу, 5. марца, отримана креативна роботня, хтору РКЦ орґанизовал вєдно з Каритасом. Правени сувенири, як цо шерцо, квеце, односно маґнети з филцу, а з рускима мотивами и у рижних технїкох.
Присутних привитали директорка РКЦ Наташа Макаї Мудрох и координаторка Каритасу Нови Сад Анита Ґовля, котри гварели же циль тих роботньох оформиц ґрупу хтора ше будзе дружиц, та и предавац свойо продукти за рижни потреби.
Таки роботнї ше планує поряднє орґанизовац – кажду другу соботу на 10 годзин у РКЦ, а може присц хто сце. Заинтересовани ше можу явиц Наташи Макаї Мудрох на телефон 062 416 640.
