НОВИ САД – Вчера, 20. децембра, активистки Центру за потримовку женом София Мандич и Мария Срдич з тимом за родну ровноправносц Националного совиту (НС) Руснацох у Новим Садзе отримали роботну схадзку, хтора похаснує за напрямки у роботи будуцого Роботного цела за родну ровноправносц НС Руснацох.
На основи семинару з тему „Политики родней ровноправносци у роботи националних совитох меншинох”, хтори отримани у авґусту того року, членїца НС и його Вивершного одбору Наташа Макаї-Мудрох приказала прегляд активносцох НС Руснацох вязаних за родну ровноправносци у 2016. року, у хторим анализовала и змисти у часописох „МАК” и „Заградка” и указала же випочитовани одредзени процент заступеносци родней ровноправносци. Анализа облапела и учашнїкох на програми Руского културного центру, дзе тиж була заступена задоволююца родна ровноправносц.
Попри спомнутей Наташа Макаї Мудрох, спред нашей заєднїци на вчерайшим роботним сходзе присуствовали Мартица Тамаш, Єлена Перкович, Анамария Ранкович, Борис Фейди, Мария Перкович, Анита Ґовля и Вероника Вуячич.