БЕОҐРАД – Нєшка, 4. октобра, Хор „Розанов” з Дюрдьова у Народней скупштини Републики Сербиї будзе шпивац гимну Сербиї „Боже правде” на початку порядного єшеньского зашеданя державного парламенту.
Початок єшеньского зашеданя Народней скупштини нєшка заказани за 10 годзин, а чесц же би го отворел наш Хор з Дюрдьова и тераз достата дзекуюци народней посланїци Олени Папуґа.
Спомедзи наших хорох гимну Сербиї у Народней скупштини на початкох єй зашеданя дотераз шпивали Хор „Гармония” з Нового Саду и Мишани хор Дому култури и Катедралней церкви св. о. Миколая з Руского Керестура.