ЗОМБОР – У Реґионалней Привредней комори (РПК) Зомбор того тижня отримана схадзка з можлївим инвеститором з Велькей Британиї, з представителями компаниї „International Water Solutions”.
Попри предсидателя РПК Зомбор Зорана Булатовича, на схадзки присуствовали городоначалнїк Зомбору Саша Тодорович, предсидатель Општини Оджак Душан Марян, спред Општини Апатин Драґан Йосич, а спред Општини Кула Никола Жежель.
На схадзки присуствовали и представителє канцеларийох за економски розвой општинох и реґионох, а представителє инвеститора виражели заинтересованосц за витворйованє проєктох на подручу Заходнобачкого округу – за вибудов фарми живини, вибудов и опреманє фабрики води и намиру же би на тото подруче преселєл продукцию свойого главного продукту, ксизоксу.
Домашнї представели свойо потенцияли, а порадзене же инвеститор пошвидко пошлє писмо о намирох до городу и општинох Заходнобачкого округу.