Розписани два конкурси за младих

автор ртв/маз
761 Опатрене

БЕОҐРАД – Министерство младежи и спорту Републики Сербиї розписало два конкурси з обласци младежского сектору – Явни конкурс за финансованє програмох и проєктох за запровадзованє цильох Националней стратеґиї за младих и Явни конкурс за потримовку локалним самоуправом у запровадзованю младежскей политики на локалним уровню.

На перши конкурс ше можу приявиц здруженя младих, здруженя за младих и їх союзи реґистровани у нашей жеми и уписани до Єдинственей евиденциї здруженьох, док ше на други конкурс можу приявиц локални самоуправи хтори маю основану канцеларию за младих, у складзе з членом 22. Закона о младих.

Термин за посиланє предкладаньох проєктох 15 днї од дня обявйованя конкурсох, а потребну документацию мож превжац на сайту www.mos.gov.rs

Дополнююци информациї мож достац на число телефону 011/311-33-19, лєбо писац на е-адресу konkursi.omladina@mos.gov.rs  .

 

ПОВЯЗАНИ ТЕКСТИ