НОВИ САД – Пре виходзенє мандату директора, Управни одбор Руского културного центру (РКЦ) у Новим Садзе у остатнїм чишлє новинох новинох „Руске слово”, од 30. октобра, розписал Явни конкурс за вибор и менованє директора РКЦ на период од штири роки.
Кандидати муша мац високу, висшу, лєбо штредню фахову приготовку, активно знац руски и сербски язик, мац найменєй пейц роки роботного искуства на роботох у обласци култури, менаджерстве, уметносци, образованю, лєбо информованю, мац общу здравствену способносц, орґанизаторски схопносци и же би нє мали законски препреченя за менованє за директора.
З прияву и потребну документацию, кандидати у писаней форми длужни предложиц и програму роботи и розвою Центру за штири роки.
Термин за подношенє приявох на Конкурс петнац днї од дня обявйованя, односно по 14. новембер, а прияви треба посилац на адресу: РКЦ (за Конкурс), Йована Суботича 8, 21000 Нови Сад.