Розписани конкурс за приєм до Дому школярох „Петро Кузмяк”

автор сен; фото: маф
908 Опатрене

РУСКИ КЕРЕСТУР – Основна и штредня школа з домом школярох „Петро Кузмяк” обявела конкурс за приєм 70 штредньошколцох до Дому школярох (интернату) у школским 2016/2017. року. Право на змесценє и костиранє маю порядни школяре штреднєй школи у Руским Керестуре, державянє Републики Сербиї, котрим место пребуваня нє Руски Керестур.

Окрем прияви, кандидати маю придац ориґинални, лєбо оверени фотокопиї свидоцтва о законченому основним образованю, положеним Закончуюцому испиту и потвердзенє о упису до штреднєй школи, односно свидоцтво о законченей предходней класи.

Ґу тому, треба придац и документ о штреднїм мешачним приходу по членови ґаздовства школяра (за период януар-марец 2016. року), дипломи и други награди на змаганьох (з календару змаганьох) хтори школяр освоєл у прешлим школским року, та награди и похвали хтори школяр достал у Доме школярох.

За перши круг документи ше придава од 5. по 15. юлий, а за нєпополнєти места у першим кругу термин за придаванє будзе од 22. по 26. авґуст.

Цали текст конкурсу мож опатриц на сайту https://www.petrokuzmjak.edu.rs/sr.

ПОВЯЗАНИ ТЕКСТИ