ВЕРБАС – Општина Вербас розписала конкурс за реґресованє трошкох превозу и змесценя школяром стреднїх школох, а право участвованя маю штредньошколци зоз пребувалїщом на подручу општини Вербас хтори каждодньово путую по школу и хасную мешачни карти.
Тиж так, буду реґресовани и трошки змесценя у домох школярох и викенд карти або часц цени приватного змесценя у виносу цени домского змесценя и викенд карти за школски 2015/2016. рок.
На реґресованє трошкох превозу у виносу од 60 одсто право маю школяре з одличним успихом у предходним периодзе школованя, а на 50 одсто шицки други хаснователє дзецинского додатку, школяре зоз статусом вибеженцох (або родичох зоз тим статусом), як и други и кажди идуци школяр путнїк зоз фамелиї зоз двома або вецей школярами путнїками хтори хаснователє дзецинского додатку.
Тота помоц обезпечена з буджету Општини Вербас, а одоброванє права на реґресовани превоз будзе окончовац Општинска управа Вербас – Оддзелєнє за дружтвени дїялносци, з консултацию зоз членами Општинскей ради хтори задлужени за образованє и социялну защиту.