НОВИ САД – Гражданє, подприємства, установи, политични и други орґанизациї можу придац инициятиви за додзельованє „Фебруарскей награди” Городу Нови Сад за 2015. рок.
Фебруарска награда ше додзелює з нагоди 1. фебруара – Дня Городу Нови Сад. То дружтвене припознанє за найзначнєйши дїла и посцигнуца гражданох Нового Саду, за пестованє медзилюдскей толеранциї, активносци и дїла хтори афирмую Нови Сад, за доприношеня у обласцох култури, уметносци, литератури, историї и науково- виглєдовацкей роботи. Окрем того, Награду мож достац и за визначне анґажованє у гуманитарних, социялних и здравствених обласцох.
Предлоги за добитнїка того припознаня треба придац по 31. децембер до Комисиї за означованє шветох, додзельованє припознаньох и медзигородске сотруднїцтво у жеми и иножемстве Скупштини Городу Нови Сад, на адреси – Улїца Жарка Зренянина 2.