КУЛА – Вовторок, 14. априла, Општина Кула розписала конкурс за финансованє и софинансованє програмох и проєктох у обласци уметнїцкей творчосци и защити и очуваня нєматериялного културного нашлїдства, хтори отворени по 24. април.
На конкурс ше можу приявиц правни особи з кулскей општини – здруженя гражданох и други субєкти у култури, а подношитель прияви на конкурсу може участвовац з вецей програмами, лєбо проєктами.
Прияви треба придац на окремних формуларох хтори мож превжац у Оддзелєню за дружтвени дїялносци у Општини Кула (Ленїнова 11), лєбо на веб-сайту Општини Кула – www.kula.rs дзе и детальнєйши информациї о тим конкурсу.