КУЛА – Културно-просвитна заєднїца Општини Кула (КПЗ) тих дньох розписала тадицийни Литературно-подобови конкурс за школярох основношколского и предшколского возросту, а у рамикох тогорочней манифестациї Мешац кнїжки. Конкурс отворени по 7. новембер.
Литературни конкурс розписани за писню и приповедку на шлєбодну тему, роботи мож писац и на мацеринским язику, а наменєни є за два возросни ґрупи – младшу од 3. по 5. класу ОШ и старшу, од 6. по 8. класу.
Подобови конкурс подзелєни на три возросни ґрупи – за предшколски дзеци ПУ „Бамби”, за школярох ОШ од 1. по 4. класу, и за школярох од 5. по 8. класу ОШ.
Конкурс КПЗ Кула, як єден з числених програмох у Мешацу кнїжки, ма циль афирмовац креативни и талентовани дзеци. У тим им маю помогнуц и їх наставнїки, а цали текст Конкурсу мож видзиц на www.kpzkula.com