Рочна Скупштина ДОД у Дюрдьове

автор ртв
897 Опатрене

ДЮРДЬОВ – Добродзечне огньогасне дружтво (ДОД) з Дюрдьова всоботу, 14. фебруара, отримало порядну рочну Скупштину, на хторей поднєшени звити о роботи и уручени припознаня заслужним огньогасцом.

Дюрдьовске ДОД ма 36 членох, медзи котрима 15 активни, 5 почесни и 16 пионире. Прешлого року огньогасци мали 17 интервенциї у валалє, а як найвекши успих визначели доставанє нового камиона, дзекуюци спонзором. Попри камиона, хтори вигодни и за гашенє огня на полю, Дружтво достало и часци опреми за гашенє огня, та защитну опрему за огньогасцох.

ДОД з Дюрдьова финансийно потримує Општински огньогасни союз и спонзоре, а часточно ше и самофинансую. На рочней схадзки присуствовали и представителє локалней самоуправи, алє и огньогасци з Ґосподїнцох, Будисави, Шайкашу и других сушедних местох.

Огньогасци Ґоран Берич и Владимир Ковачевич достали „Златни значки” – припознаня Покраїнского огньогасного союзу, а командир ДОД Мирослав Шовш достал републичне припознанє „Криж Томислава Карадьордєвича”.

ПОВЯЗАНИ ТЕКСТИ