РУСКИ КЕРЕСТУР – Пре нєсподзивану шмерц Юлияна Рамача Чаму, Управни одбор Дому култури Руски Керестур, Орґанизацийни и Програмни одбор „Ружи” нєшка рано на позярядовей схадзки одлучели же тогорочни 55. Фестивал рускей култури, хтори мал почац нєшка и тирвац по нєдзелю, 26. юния – будзе одказани.
Фестивал одказани до дальшого, найвироятнєйше по септембер, о чим шицки котри мали участвовац на „Ружи”, буду поинформовани.
Як заключене на схадзки, понеже то нє музично-танєчни манифестациї, на ютре буду отримани лєм Керестурски саям опрез Майсторского дому и Медзинародни турнир у одбойки у Спортскей гали у рамикох СБ „Яша Баков”, хтори почню на 10 годзин, як було плановане.