„Ружа” почала з отвераньом вистави малюнкох Милана Колбаса

автор маф
806 Опатрене

РУСКИ КЕРЕСТУР – З отвераньом вистави малюнкох академского маляра Милана Колбаса з Нового Саду, у голу Школи „Петро Кузмяк” вчера пред вечаром почал тогорочни 54. Фестивал рускей култури „Червена ружа”.

Виставу отворел наш визначни подобови уметнїк и критичар Владо Няради з Вербасу, а пред тим, у мено орґанизатора Фестивалу, директор Дому култури Йоаким Рац Мими привитал шицких присутних, а окреме висланїка предсидателя Сербиї Томислава Николича, його совитнїка за културу Радована Павловича.

Як визначел Няради, виставу мож подзелїц на два цалосци – у єдней Колбасово старши роботи, у хторих состойна часц малюнку людска фиґура з другима мотивами, док други малюнки новшого датуму, и представяю нєшкайши войводянски пейзажи.

Виставу мож опатриц през шицки три днї отримованя фестивала „Червена ружа”.

Вецей з вистави у фото-ґалериї на сайту „Руского” и Рутенпресу.

ПОВЯЗАНИ ТЕКСТИ