ОСИЄК – У грекокатолїцкей церкви Христа Царя у Осиєку вчера, 15. мая, преславене Сошествиє Святого духа – Русадля. Службу Божу служел о. Любомир Стурко, а шестри Василиянки и вирни на початку Евхаристиї одшпивали писню Святому духу и модлєли молитву Царю небесни.
Часц вирнїкох з Осиєку на Треци дзень Русадльох, у приватней режиї, будзе присуствовац на Завитним дню у Водици у Руским Керестуре, вєдно з паломнїками з Миклошевцох, Петровцох и Вуковару.