ЗОМБОР – Всоботу, 3. октобра, у Подручней лиґи Зомбор – за кадетох, домашня екипа ФК Раднички победзела кадетох зоз ФК Русин з Руского Керестура з минималним резултатом 1:0.
У виєдначеним бависку и нагодох за ґол, домашнї заш лєм мали кус вецей щесца и посцигли ґол у 47. минути. У екипи Русина визначели ше Зорич Александар и Няради Теодор.
После того пораженя кадети Русина забераю 4. место на таблїчки од 12 екипох. На шлїдуюцу нєдзелю знова госцую, процив екипи ФК Герцеґовец у Ґайдобри хтора остатнєпласована на таблїчки.