СВИДНЇК – Штварти Фестивал русинскей култури Словацкей у Свиднїку, популарно волани Русински фестивал, того року будзе отримани од 23. по 29. май, сообщела Општинска орґанизация Русинскей оброди Свиднїк.
И того року Русински фестивал понукнє мултижанрову програму, як култури Русинох у Словацкей, так и на медзинародним планє, а под мотом „Од Русинох за шицких”.
На Фестивалє буду представени досяги Русинох у театралней, филмскей, литературней, музичней, танєчнєй, шпивацкей и других обласцох, а як сообщене з Русинскей оброди, хтора єден з главних орґанизаторох Фестивалу, у општинох у восточней Словацкей уж мож купиц уходнїци за програми Штвартого Русинского фестивалу.