РУСКИ КЕРЕСТУР – У першим колє ярнєй часци першенства у Подручней фодбалскей лиґи Зомбор, керестурски Русин вчера на госцованю у Свилоєве победзел домашнї Тереквеш з 2:1. Обидва ґоли за Русин посцигнул нови бавяч Русину Милан Дюрич з Червинки.
Єшеньску часц першенства у Подручней фодбалскей лиґи Зомбор, дзе ше змагаю 16 екипи, Русин закончел на 11. месце, а з вчерайшу побиду у предлуженю першенства тераз є на 10. месце.
Шлїдуюце першенствене змаганє Русин на нєдзелю бави на домашнїм Ярашу процив Станишичу з истоменого места.