РУСКИ КЕРЕСТУР – У дванастим колє Подручней фодбалскей лиґи Зомбор внєдзелю, 3. новембра, на домашнїм терену, ФК „Русинˮ над ФК „Маґличˮ зоз Бачкого Маґличу однєсол побиду зоз резултатом 3:0.
Госцуюца екипа зоз Бачкого Маґличу на змаганє пришла зоз осем бавячами, а понеже ше двоме бавяче покалїчели, госци остали зоз шейсцома бавячами и вецей нє було условия за предлужованє змаганя, та главни судия Стефан Рашович, после чеканя од пейц минути, запискал конєц у 23. минути.
Перши два ґоли за Русин дал Деян Давидович, а треци ґол у 14. минути дал Боян Голик.
Русин наступел у составе: М. Надь, Д. Веселинович, Б. Голик, А. Малацко, О. Маркович, Б. Бранкович, С. Дюканович, Д. Давидович, Д. Будински, Ф. Вуйович. На замени: Ф. Тома, В. Вуйович, Й. Гарди, Ж. Виславски, И. Маньош
Русин тераз на осмим месце на таблїчки зоз 20 бодами, а у шлїдуюцим колє зидзе ше зоз остатньопласованим ФК „Жакˮ зоз Зомбору на змаганю хторе ше отрима 9. новембра у госцох.