ВЕРБАС/КУЛА/ОДЖАК – Туристична орґанизация Сербиї обявела промотивни видео „Природни красоти Вербасу, Кули и Оджаку“, у хторим приказани панорами општинох, та дзепоєдни окремносци їх местох, преноши портал Наше место.
Општина Вербас визначена по Старей вили индустрийцох, шпациру, беґелю, по памятнїку будовательови Бачкого беґелю Йозефови Кишови, Етно-хижи „Бапина База“, парку природи „Єґричка“, та специялитетох у ресторанє „Тифани“.
З кулскей општини на видеу визначени Ґурмански специялитети у Руским Керестуре, кадри зоз спа-центру у Кули, з Площи ошлєбодзеня у Кули, млїну у Малим Стапаре у Сивцу и пиньвици вина у Винарнї Милисавлєвич у Липару.
Телевизийна екипа Туристичней орґанизациї зазначела и кадри зоз Спортско-дїловного центру у Оджаку, експонати у Городским музею и плївбу по оджацким беґелю, та Етно-хижу у Дироню.
Промотивни спот мож опатриц на сайту https://www.nasemesto.rs/turisticka-organizacija-srbije-objavila-promotivni-video-prirodne-lepote-vrbasa-kule-i-odzaka-video.