Руснаци зоз Шиду були госци Руснацох у Осиєку

автор влдї
1k Опатрене

ОСИЄК – Всоботу, 7. новембра, у просторийох Културно-уметнїцкого дружтва Руснацох Осиєку, у Горватскей, отримани поетско-музични вечар, на хторим госцовала ґрупа Руснацох зоз Шиду, як и домашнї.

Твори Михала Ковача, Силвестера Саламона, Ангели Прокоп, Меланиї Маринкович и других читали Евґения Данчо, Нада Гарвильчак, Андєлка Михняк, Мирон Джуджар и Владимир Дїтко.

Поезия була преткана з рускима шпиванками, хтори интерпретовал Хор КУД Руснацох з Осиєку, а свойо писнї гуторели и присутни авторе – Агнета Балатинац, предсидателька осиєцкого Дружтва и Томислав Мишир спред домашнїх, та Мирон Джуджар и Владимир Дїтко, спред госцох.

Друженє з руску шпиванку предлужене и после урядовей часци програми, а порадзене же шлїдуюци крочай у пестованю сотруднїцтва двох дружтвох будзе госцованє Осиєчанох у Шидзе.

ПОВЯЗАНИ ТЕКСТИ