СРИМСКА МИТРОВИЦА – Вовторок, 28. априла, у нових просторийох у парохийним доме отримана перша схадзка Координациї Подручней канцелариї Националного совиту (НС) Руснацох у Сримскей Митровици.
На схадзки присуствовали члени Координациї, предсидателє здруженьох гражданох „Русинске дружтво“ и „Руснак“, парох о. Владислав Варга и дзепоєдни други з рускей заєднїци.
Бешедоване о дотерашнєй и будуцей роботи Канцелариї, о роботи наших здруженьох у Митровици, а порадзене и о способе розподзельованя средствох хтори Канцелария достава од НС за поряднео функционованє.Виробени и план активносцох од мая по август, хтори, як поведзене, годно сполнїц кед шицки котри можу на рижни способи помогню у роботи и кед робота будзе нєпреривна.
И попри розликох у думаньох, тота длугша схадзка Координациї Подручней канцелариї закончена з опредзлєньом же Руснаци у Сримскей Митровици од тераз муша и можу вєдно робиц и сотрудзовац.