БЕОҐРАД – Сербска академия наукох и уметносцох (САНУ) з нєсподзиваньом прияла вистку о Нарису покраїнскей скупштинскей одлуки о снованю явней установи Войводянска академия наукох, уметносцох и култури (ВАНУК), окреме после даскельо неґативних оценох уставносци подобних инициятивох.
У вчерайшим сообщеню за явносц наведзене же Вивершни одбор САНУ, нє уходзаци до мотивациї предкладателя, трима же ше роби о опасних политичних бавискох хтори нє засновани анї на наукових, анї на уметнїцких критериюмох и потребох.
Одлука о снованю явней установи ВАНУК озбильно би загрожела єдинство наукового, културного и уметнїцкого простору Сербиї и САНУ, як найвисша наукова и уметнїцка установа у Сербиї, зоз своїма активносцами ше и надалєй будзе закладац за очуванє того єдинства, наводзи ше у сообщеню зоз САНУ.