НОВИ САД – На Факултету технїчних наукох у Новим Садзе (ФТН) вчера и нєшка орґанизовани Саям можлївосцох за роботи и фахово пракси „КОНТЕН 15“, на хторим студенти достаню информациї о роботох, лєбо фахових праксох хтори понукаю рижни фирми.
На тогорочним Сайме 24 фирми виражели порихтаносц повязац же з факултетами, односно же би прейґ сотруднїцтва з факултетами достали квалитетни кадри.
Вчера на отвераню присуствовали и представителє Покраїни, а покраїнски секретар за науку и технолоґийни розвой Владимир Павлов гварел же треба пременїц приступ ґу приватному сектору, бо то тераз єдини сектор хтори може помогнуц у подзвигованю привреди и злєпшованю стандарду у Сербиї.