НОВИ САД – Медзинародни польопривредни саям, 82. по шоре, будзе отримани од 9. по 15. май у халох Новосадского сайма.
Тогорочна держава-приятель Сайма будзе Италия, хтора у Хали 1 представи свойо подприємства з обласци аґрарней продукциї, а першираз на Сайму наступи и єдна з найвекших компанийох з обласци аґробизниса у Зєдинєних Арапских Емиратох „Ал Дахра”.
Саям означи Вистава польопривредней механїзациї и Национална вистава статку хтора уж традицийно орґанизована под покровительством Министерства польопривреди и защити животного штредку Сербиї, а того року потрима и Виставу орґанскей продукциї и продуктох зоз ознаку ґеоґрафского походзеня у Хали 1а Новосадского сайму.
Найдрагша польопривредна машина будзе „Голмеров” комбайн за цукрову цвиклу котри кошта коло 500 тисячи евра, а буду представени и 1 300 найрепрезентативнєйши гарла статку и живини.
Капури 82. Медзинародного польопривредного сайму буду отворени од 9 до 19 годзин.