Святосавски концерт отримани  у Коцуре

автор олр
818 Опатрене

КОЦУР – Всоботу, 26. януара, КУД „Завичайне врело” отримало VI Святосавски концерт у сали Домa култури у Коцуре з нагоди означованя школского швета Дня Святого Сави.

Програма почала зоз Святосавску химну и пригодну бешеду дзе була наглашена значносц Святого Сави за сербску православну церкву, литературу и образованє у Сербиї.

На програми участвовали країшски шпивацки ґрупи зоз Младенова и Футоґу, КУД „Завичайне врело” и рецитаторска секция Основней школи „Братство єдинство”, а числена публика могла уживац у танєчних точкох, рецитацийох и країшских писньох.

Орґанизацию концерту помогли Општина Вербас, МЗ Коцур, ДОД Коцур, Млїн Коцур, пекара „Тарча” зоз Савиного Села, як и велї други привреднїки зоз Коцура и Вербасу.

По законченю шветочного концерту друженє предлужене у Пелетовей сали дзе бул орґанизовани 19. Країшски вечар на котрим уживали числени Коцурци.

ПОВЯЗАНИ ТЕКСТИ