СЕРБИЯ – З вчерайшим подписованьом контрактох о снованю єдинственого Явного подприємства Електропривреда Сербиї (ЕПС) утаргнути седем подприємства хтори ше дотераз занїмали з продукцию угля и струї, а медзи нїма и Електровойводина.
Директор ЕПС Александар Обрадович подписал контракти з директорами продукцийних подприємствох хтори були у составе ЕПС, а директорка Електродистрибуциї Беоґрад (ЕДБ) Слободанка Крчединац з директорами дотерашнїх подприємствох за електродистрибуцию, хтори тераз припоєни ґу ЕДБ и шицки вєдно творя ЕПС дистрибуцию.
Обрадович гварел же з подписованьом тих контрактох закончена перша фаза корпоративизациї ЕПС, хтора би урядово мала буц закончена 1. юлия. Плановане же друга фаза корпоративизациї будзе закончена 1. юлия 2016. року и теди ЕПС з явного подприємства постанє акционерске дружтво.