Семинар з нагоди 150-рочнїци народзеня Михайла Врабеля

автор зам  фото слстр
996 Опатрене

ВИРАВА (СЛОВАЦКА) – У месце Вирава у Словацкей всоботу, 15. октобра, отримани Семинар з нагоди 150-рочнїци народзеня педаґоґа, фолклористи и новинара Михайла Врабеля (1866-1923), на хторим зоз своїма сообщенями участвовали вецей домашнї и иножемни познавателє живота и творчосци Михайла Врабеля, медзи нїма и Дюра Латак и Микола М. Цап з нашей жеми.

Спред Союзу Русинох-Українцох Словацкей Републики (СРУСР), хтори бул инициятор и орґанизатор Семинару, учашнїкох и госцох привитал Павло Боґдан, подпредсидатель СРУСР, а у мено домашнїх старостка места Вирава Моника Куртякова.

Академик Микола Мушинка з Прешова бешедовал о Михайлови Врабельови з аспекту його походзеня и вичерпно анализовал його доприношенє фолклористики, публицистики и новинарству Русинох у Угорскей.

Дюра Латяк з Нового Саду пречитал сообщенє „Михайло Врабель – учитель и културни дїяч медзи бачванскима Русинами”, а Микола М. Цап, одвичательни редактор часопису „Шветлосц”, мал сообщенє з тему „Руский соловей – перша кнїжка на язику бачванско-сримских Руснацох”.

У дискусиї после викладаньох интересантне викладанє мал мр Душан Михалек, музиколоґ з Израїлу, дакедишнї Новосадян, котри бешедовал о сербских и горватских писньох у „Руским соловею”.

Шицки сообщеня зоз Семинару буду и обявени – у Словацкей у часопису „Дукля”, а у нас у часопису „Шветлосц”.

2-Vrabelj-02

ПОВЯЗАНИ ТЕКСТИ